„ღორის გრიპის“ ვირუსის გამო, აფხაზეთის დე ფაქტო ხელისუფლებამ ე.წ. საზღვარზე კარანტინი გამოაცხადა

„ღორის გრიპის“ ვირუსის გამო, აფხაზეთის დე ფაქტო ხელისუფლებამ ე.წ. საზღვარზე კარანტინი გამოაცხადა.

აფხაზეთის ავტონომიური რესპუბლიკის მთავრობის წარმომადგენლის ალექსანდრე ჩიკვაიძის ინფორმაციით, ოკუპირებული ტერიტორიიდან ენგურის ხიდზე გადმოსვლა ე.წ. ღორის გრიპის გამო შეიზღუდა. როგორც „ინტერპრესნიუსს“ ჩიკვაიძემ განუცხადა, ამ დროისთვის ოკუპირებული ტერიტორიიდან მხოლოდ ენგურჰესის თანამშრომლები და ის ადამიანები გადმოდიან, ვინც ოკუპირებულ აფხაზეთში სპეციალური მიწვევით იმყოფებოდა.

„სეპარატისტული მხარე აცხადებს, რომ „ღორის გრიპთან“ დაკავშირებით შემოიღეს კარანტინი და ამიტომ არის შეზღუდული გადაადგილება. ზუგდიდიდან მოქალაქეები, რომლებსაც შესაბამისი დოკუმენტები გააჩნიათ, ოკუპირებულ ტერიტორიაზე გადადიან, ხოლო იქიდან აქეთ გადმოსვლა არის შეზღუდული. გადმოდიან მხოლოდ ის ადამიანები, ვინც მიწვევით იმყოფებოდა ოკუპირებულ ტერიტორიაზე და ენგურჰესის თანამშრომლები, რომლებიც ცვლაში შეიცვალნენ“, - ამბობს ჩიკვაიძე.

ერთ-ერთმა ადგილობრივმა, რომელიც ოკუპირებული ტერიტორიიდან დილით ზუგდიდში უნდა გადმოსულიყო, განაცხადა, რომ ე.წ. საზღვართან არ გაატარეს. მისივე ინფორმაციით, საგუშაგოსთან რიგებია, რუსი „მესაზღვრეები“ კი პირბადეებითა და ხელთათმანებით გადაადგილდებიან.

„აფხაზებმა გვითხრეს, ხიდი გადაკეტილი კარანტინის გამო არის და 25-მდე ასე იქნებაო", - ამბობს ერთ-ერთი ადგილობრივი.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში