საპარლამენტო უმრავლესობის წევრი რომან კაკულია იმედოვნებს, რომ "ქართულ ოცნებაში" მიმდინარე დაპირისპირებასთან დაკავშირებით “ბევრ რამეს მოეფინება ნათელი”.

მისი თქმით, ეკა ბესელიამ თავადვე დაანონსა მომავალი კვირის ორშაბათისთვის ყველაფერზე საუბარი.

"მე 2016 წელს შემოვუერთდი „ქართულ ოცნებას“ და მაინცდამაინც დიდი აქტიურობით არ მინდა გამოვირჩეოდე შეფასებებში. იმედი მაქვს, რომ ბევრ რამეს მოეფინება ნათელი. ქალბატონმა ეკამ თავად დაანონსა ყველაფერზე საუბარი ორშაბათს. გუნდის სხვა წევრები, ვინც მასავით სათავეში ედგა „ქართული ოცნების“ შექმნას, ისინიც თავის პოზიციას დააფიქსირებენ. ჩვენ ყველანი ერთად ჩამოვყალიბდებით ალბათ, უფრო მოგვიანებით",- განაცხადა კაკულიამ.