ანატოლი ბიბილოვი სალვადორის პრეზიდენტს - ვიმედოვნებ, რომ ჩვენი ნაცნობობა მეგობრობაში გადაიზარდება

ვენესუელაში „ვიზიტით“ მყოფი ოკუპირებული სამხრეთ ოსეთის დე ფაქტო პრეზიდენტი ანატოლი ბიბილოვი სალვადორის პრეზიდენტს სალვადორ სანჩეს სერენს შეხვდა.

„ჩვენ ბევრი გვაერთიანებს, მათ შორის სალვადორის, ისევე როგორც სამხრეთ ოსეთის დამოუკიდებლობისთვის ბრძოლა. ამ ბრძოლაში სალვადორმა დიდი პატივისცემა მოიპოვა. ვიმედოვნებ, რომ ჩვენი ნაცნობობა მეგობრობაში გადაიზარდება“, - განაცხადა ბიბილოვმა.

თავის მხრივ, სალვადორ სანჩეს სერენმა აღნიშნა, რომ სალვადორი კონტაქტებს ავითარებს მეგობარ ერებთან და ამგვარ პოლიტიკას ატარებს მსოფლიოს ყველა ქვეყანასთან.

„ჩვენი პოლიტიკა ღიაა მსოფლიოს ყველა ქვეყნისთვის. ჩვენთვის ძალიან მნიშვნელოვანია ეს პირველი შეხვედრა. ვიმედოვნებთ, რომ ჩვენი კონტაქტები გაგრძელდება და გამოვნახავთ მექანიზმებს თუ როგორ განვაგრძოთ ეს კონტაქტები“, - განაცხადა სალვადორის პრეზიდენტმა.