„ქართული ოცნება - ძლიერი საქართველოსთვის“ საპარლამენტო ფრაქციის თავმჯდომარე ბიძინა გეგიძე პარლამენტის თავმჯდომარის მიერ უზენაესი სასამართლოს მოსამართლეებთან დაკავშირებით გაკეთებულ განცხადებას ეხმაურება და ამბობს, რომ იმედგაცრუებულია. შესაბამის განცხადებას ბიძინა გეგიძე „ფეისბუქის“ საკუთარ გვერდზე ავრცელებს.

„იმედგაცრუებული ვარ პარლამენტის თავმჯდომარის მოქმედებით და იმ შემოთავაზებული სცენარით, რომელიც მოსამართლეების სიას უკავშირდება. მან ვერ შეძლო პროგრესული და ღია პროცესის შექმნა, თუმცა, ეს მოსალოდნელი იყო“.- წერს ბიძინა გეგიძე.

შეგახსენებთ, პარლამენტის თავმჯდომარე ირაკლი კობახიძემ იუსტიციის უმაღლესი საბჭოს მდივან გიორგი მიქაუტაძესთან შეხვედრის შემდეგ განაცხადა, რომ პოლიტიკური გადაწყვეტილება მიღებულია, რომ ჯერ შემუშავდეს პროცედურა და კრიტერიუმები და შემდეგ იქნება წარმოდგენილი მოსამართლეთა განახლებული სია.