აშშ-ის სახელმწიფო მდივანი, მაიკ პომპეო აცხადებს, რომ იგი ოპტიმისტურადაა განწყობილი თურქეთთან შეთანხმების მიღწევისადმი და სჯერა, რომ ამერიკული ძალების მიერ სირიის დატოვების შემდეგ ანკარა ქურთ მებრძოლებს დაიცავს. ამის შესახებ განცხადება პომპეომ აბუ-დაბიში ვიზიტისას გააკეთა.

„აშშ აღიარებს თურქი ხალხის და ერდღოდანის უფლებას, დაიცვას თავისი ქვეყანა ტერორისტებისგან. თუმცა, ამასთან, ჩვენ ძალიან კარგად ვიცით, რომ ისინი რომლებიც ჩვენთან ერთად იბრძვიან მთელი ამ დროის განმავლობაში, იმსახურებენ იყვნენ დაცულები“, - განაცხადა მაიკ პომპეომ.

შეგახსენებთ, ამერიკული მხარე ჩრდილოეთ სირიაში ქურთ მებრძოლებთან ერთად ე.წ. ისლამური სახელმწიფოს წინააღმდეგ იბრძოდა. ოფიციალური ანკარა კი ქურთულ მოძრაობას ტერორისტულ დაჯგუფებად მოიხსენიებს და პირობას დებს, რომ მათ გაანადგურებს.