საპარლამენტო უმრავლესობის სხდომა იანვარში გაიმართება, - ამის შესახებ ჟურნალისტებს საპარლამენტო უმრავლესობის ლიდერმა არჩილ თალაკვაძემ განუცხადა. თალაკვაძემ უმრავლესობის სხდომის ჩატარების თარიღი არ დააკონკრეტა.
„თუ ვინმე ელოდება, რომ გუნდის წევრებს შორის კომუნიკაცია აგრესიული სახით, ერთმანეთთან სატელევიზიო კომენტარების რეჟიმში გაგრძელდება, ეს ასე არ იქნება. იანვარში უმრავლესობის სხდომა გაიმართება, სადაც საგაზაფხულო სესიისთვის ყველა მნიშვნელოვან საკითხს განვიხილავთ, მათ შორის იმ მოსაზრებების განხილვა მოხდება, რაც ჩვენი გუნდის ცალკეულ წევრებს აქვთ", - განაცხადა თალაკვაძემ.
იხილეთ ვიდეო: კომუნიკაცია აგრესიული სახით არ გაგრძელდება, ეს ასე არ იქნება - მმართველი გუნდი ეკა ბესელიას განცხადებას აფასებს