16 იანვარს, ბუნებრივი აირის მიწოდება დროებით შეუწყდება ქუბრიაანთკარის გაზგამანაწილებელ სადგურს და მასზე დაერთებულ დასახლებებს, - ამის შესახებ „ინტერპრესნიუსს“ შპს „საქართველოს გაზის ტრანსპორტირების კომპანიიდან“ აცნობეს.
“შპს „საქართველოს გაზის ტრანსპორტირების კომპანია“, ვლადიკავკაზ-თბილისის მაგისტრალური გაზსადენის 155 კმ-ზე გამოვლენილი ბუნებრივი აირის გაჟონვის ლიკვიდაციის მიზნით სარემონტო სამუშაოებს განახორციელებს.
აღნიშნულიდან გამომდინარე 16 იანვარს, 8:00 საათიდან 14:00 საათამდე ბუნებრივი აირის მიწოდება შეუწყდება ქუბრიაანთკარის გაზგამანაწილებელ სადგურს და მასზე დაერთებულ დასახლებებს: დუშეთს, ლაშარის ჯვარს, წითელსოფელს, ჭოპორტს, ახატანს, აბანოსხევს, ბულაჩაურს, ქუბრიაანთკარს, ბოდორნას, ვარშინაათკარს, პირმისიანთკარს, ბაზალეთს, ჩანადირებს, არაგვისპირს, ბიჩნიგაურებს, ჟინვალს, ქვემო არანისსა და მჭადიჯვარს.
ბუნებრივი აირის აბონენტებისათვის მიწოდებას 14:00 საათის შემდეგ უზრუნველყოფს გამანაწილებელი კომპანია“, - ნათქვამია კომპანიის განცხადებაში.