112-ის ოპერატიული მართვის სამმართველოს უფროსის განცხადებით, 112 მუშაობის განსაკუთრებულ რეჟიმზეა გადასული

112-ის ოპერატიული მართვის სამმართველოს უფროსის, ოთარ ტატალაშვილის განცხადებით, შს სამინისტროს ოპერატიული მართვის ცენტრი - 112 მუშაობის განსაკუთრებულ რეჟიმზეა გადასული. მისი თქმით, 112-ში ზარების რაოდენობა საგრძნობლად გაზრდილია.

„112-ში ზარების რაოდენობა საგრძნობლად გაზრდილია, რის გამოც შს სამინისტროს ოპერატიული მართვის ცენტრი - 112 მუშაობის განსაკუთრებულ რეჟიმზეა გადასული, რაც გულისხმობს ოპერატორების რაოდენობის ზრდას. ჩვეულებრივ რეჟიმში გვყავს 40 ოპერატორი, ამ ეტაპზე კი გვყავს 60 და თუ საჭირო იქნება, მათი რაოდენობა კიდევ გაიზრდება. ეს დამოკიდებულია ზარების რაოდენობაზე. ასევე, 7-8 იანვრიდან შემოგვიერთდა ოჯახის ექიმთან ვიზიტიც, რომლებიც შესაბამის დაწესებულებებში, კვირაში 7 დღით, 24 საათის განმავლობაში მუშაობენ. ამან გამოძახებები და ზარები საგრძნობლად შეამცირა”,- აღნიშნა მან.

მისივე თქმით, ამ ეტაპზე, 112-ში ზარების რაოდენობა მცირდება.