ევროკომისიის წარმომადგენელი - დიდი ბრიტანეთის ევროკავშირიდან გასვლის ვადების გახანგრძლივების შესაძლებლობას განიხილავთ, თუ ლონდონი ოფიციალურად მოგვმართავს

ევროკავშირი დიდი ბრიტანეთის ევროკავშირიდან გასვლის ვადების გახანგრძლივების შესაძლებლობას განიხილავს, თუ ლონდონი ოფიციალურად მიმართავს აღნიშნული თხოვნით. ამის შესახებ ევროკომისიის ოფიციალურმა წარმომადგენელმა მარგარიტის სხინასმა განაცხადა.

„ამ მომენტისთვის დიდ ბრიტანეთს ასეთი თხოვნით არ მოუმართავს. თუ შესაბამისი არგუმენტირებული თხოვნით მოგვმართავენ, მას ევროკავშირის 27 წევრი ქვეყანა განიხილავს, რათა გადაწყვეტილება ერთსულოვნად იყოს მიღებული“, - განაცხადა მარგარიტის სხინასმა.

შეგახსენებთ, რომ გუშინ დიდი ბრიტანეთის პარლამენტის თემთა პალატამ ხმათა უმრავლესობით ჩააგდო ევროკავშირისა და დიდი ბრიტანეთის მთავრობის მიერ შეთანხმებული პროექტი, რომელიც ევროკავშირის შემადგენლობიდან დიდი ბრიტანეთის გასვლას ეხებოდა.

აღნიშნულ შეთანხმებაში ერთ-ერთ პრობლემატურ საკითხს წარმოადგენს სასაზღვრო კონტროლის რეჟიმი ირლანდიასა და ჩრდილოეთ ირლანდიას შორის. ტერეზა მეის მთავრობა და ევროკავშირი შეთანხმდნენ, რომ ეს საკითხი 2020 წლის ზაფხულამდე უნდა გადაწყდეს, ხოლო მანამდე კი ჩრდილოეთ ირლანდია ერთიანი ევროპულ საბაზრო სივრცეში უნდა დარჩეს, რაც ლონდონში აღიქმება, როგორც თავის ტერიტორიაზე სუვერენიტეტის ნაწილის დაკარგვა.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“