საია გამოთქვამს მზადყოფნას, უფასო სამართლებრივი დახმარება გაუწიოს დიდ დიღომში მომხდარი აფეთქების შედეგად დაზარალებულებს

ახალგაზრდა იურისტთა ასოციაცია გამოთქვამს მზადყოფნას, უფასო სამართლებრივი დახმარება გაუწიოს დიდ დიღომში მომხდარი ტრაგედიით დაზარალებულ პირებს და გარდაცვლილთა ოჯახის წევრებს. ინფორმაციას საია ავრცელებს.

„საქართველოს ახალგაზრდა იურისტთა ასოციაცია უსამძიმრებს თბილისში, დიდ დიღომში აფეთქების შედეგად გარდაცვლილთა ოჯახებს და თანადგომას უცხადებს მომხდარი ტრაგედიით დაზარალებულ პირებს. საია იმედოვნებს, რომ სახელმწიფო უზრუნველყოფს მომხდარი ტრაგედიის გამომწვევი მიზეზების საფუძვლიან შესწავლას და სათანადო გამოძიების ჩატარებას. „საია“ გამოთქვამს მზადყოფნას, გაუწიოს უფასო სამართლებრივი დახმარება მომხდარი ტრაგედიით დაზარალებულ პირებს და გარდაცვლილთა ოჯახის წევრებს“,- ნათქვამია განცხადებაში.