კორნელი კეკელიძის სახელობის საქართველოს ხელნაწერთა ეროვნული ცენტრის საგამოფენო დარბაზში შოთა რუსთაველის საქართველოს ეროვნული სამეცნიერო ფონდის მიერ დაფინანსებული პროექტის „ქართული ხელნაწერი წიგნი საზღვარგარეთ - ქართული და ინგლისურენოვანი მონოგრაფია“ ფარგლებში გამოცემული წიგნის პრეზენტაცია გაიმართა. ამის შესახებ „ინტერპრესნიუსს“ შოთა რუსთაველის ფონდმა აცნობა.

პრეზენტაციას დაესწრო შოთა რუსთაველის საქართველოს ეროვნული სამეცნიერო ფონდის გენერალური დირექტორის მოადგილე, ჯაბა სამუშია, რომელმაც მიმოიხილა ფონდისა და ხელნაწერთა ეროვნული ცენტრის თანამშრომლობა და ისაუბრა სამომავლო პერსპექტივების შესახებ.