რუსეთის თავდაცვის უწყება ადასტურებს, რომ ორი გამანადგურებელი Су-34 ერთმანეთს შეეჯახა

რუსეთის თავდაცვის უწყებამ დაადასტურა, რომ ორი გამანადგურებელი Су-34 ერთმანეთს შეეჯახა.

„18 იანვარს, 08:07 საათზე , იაპონიის ზღვის თავზე სანაპიროდან 35 კილომეტრში გეგმური საწვრთნელი ფრენის განხორციელებისას Су-34 ტიპის ორი გამანადგურებელი ერთმანეთს შეეხა. მფრინავებმა კატაპულტირება მოასწრეს“, - ნათქვამია რუსეთის თავდაცვის უწყების განცხადებაში.

აღსანიშნავია, რომ მაშველებმა ორივე მფრინავი აღმოაჩინეს. როგორც რუსეთის თავდაცვის უწყებაში აღნიშნავენ, მათი მდგომარეობა დამაკმაყოფილებელია.

გამანადგურებლები საწვრთნელ დავალებას ასრულებდნენ და შეიარაღებით არ იყვენენ აღჭურვილი.