ხმელთაშუა ზღვაში, სავარაუდოდ, 170 მიგრანტი დაიღუპა

ხმელთაშუა ზღვაში, ორი ნავის ჩაძირვის შედეგად, სავარაუდოდ, 170 მიგრანტი დაიღუპა. ამის შესახებ „დოიჩე ველე“ იუწყება. სამმა მიგრანტმა, რომლებიც გადარჩნენ, განაცხადეს, რომ ნავში 120 ადამიანი იმყოფებოდა, რომელთა უმეტესობა დასავლეთ აფრიკიდან იყო.

ნავმა ლიბიის სანაპირო ხუთშაბათს დატოვა და დაახლოებით, 10-11 საათის შემდეგ ჩაძირვა დაიწყო. ბორტზე ათი ქალი და ორი ბავშვიც იმყოფებოდა. ლიბიამ იმ რაიონში, სადაც ნავი ჩაიძირა, სავაჭრო გემი გაგზავნა, მაგრამ ვერავინ იპოვეს.

კიდევ 53 მიგრანტი, რომლებმაც მაროკო ნავით დატოვეს, სავარაუდოდ, ასევე დაღუპულები არიან. წინასწარი მონაცემებით, გემი, რომელზეც გადარჩენილები იმყოფებოდნენ, ალბორანის ზღვაში რაღაცას შეეჯახა.

გასული წლის განმავლობაში ხმელთაშუა ზღვაში 2297 მიგრანტი დაიღუპა, ევროპაში კი 116959-მა მიაღწია.