ისრაელის საჰაერო ძალების მიერ სირიაში განხორციელებული ავიადარტყმების შედეგად, ოთხი სირიელი სამხედრო დაიღუპა

ისრაელის საჰაერო ძალების მიერ სირიაში განხორციელებული ავიადარტყმების შედეგად, ოთხი სირიელი სამხედრო დაიღუპა, ხოლო ექვსი კი დაშავდა. ამის შესახებ ინფორმაციას რუსეთის თავდაცვის სამინისტრო ავრცელებს.

„ოთხი სირიელი სამხედრო დაიღუპა, ხოლო ექვსი კი დაშავებულია. ავიადარტყმების შედეგად ნაწილობრივ დაზიანებულია დამასკოს საერთაშორისო აეროპორტის ინფრასტრუქტურა. 2019 წლის 21 იანვარს, 02:11 საათიდან 02:56 საათამდე პერიოდში ისრაელის საჰაერო ძალებმა სამი საავიაციო დარტყმა განახორციელეს სირიის ტერიტორიაზე“, - ნათქვამია განცხადებაში.

რუსული მხარის ცნობით, სირიის ჰაერსაწინააღმდეგო თავდაცვის ბატარეებმა ისრაელის 30 ფრთოსანი რაკეტა ჩამოაგდეს.

შეგახსენებთ, რომ ისრაელის საჰაერო ძალებმა სირიაში მდებარე ირანის სამხედრო ობიექტებზე საჰაერო დარტყმები განახორციელა. როგორც ისრაელის თავდაცვითი ძალების პრესსამსახური იუწყება, ავიაიერიშის შედეგად განადგურებულია საწყობები, დაზვერვის ობიექტები და ჰაერსაწინააღმდეგო თავდაცვის ბატარეები.

„სირიის ტერიტორიიდან მოქმედმა „ალ-კუდსის“ ძალებმა „მიწა-მიწის“ ტიპის რაკეტები გაუშვეს გოლანის სიმაღლეების მიმართულებით, რომელიც განეიტრალებულია საჰაერო თავდაცვის სისტემა „რკინის გუმბათის“ მიერ. აღნიშნულის საპასუხოდ ღამის განმავლობაში ისრაელის საჰაერო ძალებმა იერიში მიიტანეს სირიაში „ალ-კუდსის“ ობიექტებზე, ასევე სირიის ჰაერსაწინააღმდეგო თავდაცვის ბატარეებზე“, - ნათქვამია ისრაელის თავდაცვითი ძალების განცხადებაში.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო