საგარეო საქმეთა სამინისტრო არ ადასტურებს ინფორმაციას იმის შესახებ, რომ ლიბიაში გაუჩინარებული ქართველი მეზღვაური გარდაცვლილია.როგორც კონსტანტინიდიმ ჟურნალისტებს განუცხადა, აღნიშნული ინფორმაციის დამადასტურებელი მტკიცებულებები არ არსებობს, ამიტომ სამინისტრო ამას არ დაადასტურებს.
„შეიძლება ბევრი ვერსია არსებობდეს, მაგრამ ვიდრე გამოძიება არ დასრულდება და საბოლოო ვერსიას არ გამოაქვეყნებს, ამას ვერ დავადასტურებთ. ჩვენ ველოდებით ინფორმაციას ლიბიური მხარისგან. ჩვენი საკონსულო კონტაქტზეა ადგილობრივ მხარესთან, მუდმივი კომუნიკაცია გვაქვს და სიახლეების შემთხვევაში ცნობილი გახდება ჩვენთვისაც და საზოგადოებისთვისაც“, - განაცხადა კონსტანტინიდიმ.
ქართველი მეზღვაური 22 წლის დავით რაზმაძე შორეულ ნაოსნობაში ლიბიაში იმყოფებოდა, როდესაც გაუჩინარდა. მისი სამძებრო სამუშაოები ორი კვირაა მიმდინარეობს.