საქართველოს თავდაცვის მინისტრი ლევან იზორია, საოკუპაციო რეჟიმების მხრიდან მიმოსვლის შეზღუდვას საერთაშორისო სამართლის უხეშ დარღვევად აფასებს. ამის შესახებ ჟურნალისტებს ლევან იზორიამ ბათუმში განუცხადა.

„მინდა გამოვხატო პროტესტი ბარიერების, ე.წ. ხელოვნური დაბრკოლებების არსებობასთან დაკავშირებით, რომელიც საოკუპაციო ხაზის გასწვრივ არსებობს. ნებისმიერი ქმედება, მათ შორის მიმოსვლის შეზღუდვა, არის საერთაშორისო სამართლის ნორმების უხეში დარღვევა“, - განაცხადა იზორიამ.

როგორც ცნობილია, გრიპის ვირუსის საბაბით, ოკუპირებული აფხაზეთის და ე.წ. სამხრეთ ოსეთის რეჟიმებმა ე.წ. საზღვრებზე კარანიტი შემოიღეს.