მამუკა ბახტაძემ და COSCO Shipping-ის თავმჯდომარემ საქართველოში პოტენციურ საინვესტიციო პროექტებზე ისაუბრეს

საქართველოში არსებულ საინვესტიციო შესაძლებლობებსა და თანამშრომლობის შესაძლო მიმართულებებზე ისაუბრეს საქართველოს პრემიერ-მინისტრმა მამუკა ბახტაძემ და კორპორაცია COSCO Shipping-ის თავმჯდომარე სიუ ლიჟონგმა შეხვედრაზე, რომელიც დავოსის მსოფლიო ეკონომიკური ფორუმის ფარგლებში გაიმართა, - ამის შესახებ „ინტერპრესნიუსს“ მთავრობის ადმინისტრაციიდან აცნობეს.

მათივე ინფორმაციით, აღინიშნა, რომ საქართველოს მთავრობა დიდ ყურადღებას უთმობს ახალი სატრანსპორტო დერეფნების განვითარებას, რომლებიც ევროპასა და აზიას შორის ტვირთების მოძრაობის ალტერნატიული, სწრაფი და უსაფრთხო მარშრუტი იქნება.

კორპორაციის თავმჯდომარემ განაცხადა, რომ საქართველოს ევროპისა და აზიის ქვეყნებს შორის ვაჭრობაში ძალიან მნიშვნელოვანი როლი ეკისრება და მისასალმებელია საქართველოს მთავრობის ძალისხმევა ქვეყნის სატრანზიტო ფუნქციის კიდევ უფრო გააქტიურების მიმართულებით.

COSCO Shipping-ის მხრიდან გამოითქვა სამომავლო თანამშრომლობის სურვილი და საზღვაო გადაზიდვების სფეროში საქართველოში არსებული შესაძლებლობების შესწავლის მზადყოფნა.

ჩინეთის მსხვილი სახელმწიფო კორპორაცია COSCO Shipping-ი, რომლის სათავო ოფისი შანხაიში მდებარეობს, მიწოდების ჯაჭვისა და ტრანსპორტირების ინდუსტრიაში საქმიანობს. მისი წლიური შემოსავალი 14 მილიონ აშშ დოლარს, ხოლო დასაქმებულთა რაოდენობა 21 ათასს აღემატება.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა