ნატო-სა და საქართველოს საზღვაო ძალების თანამშრომლობის გაძლიერება საფრთხეს წარმოადგენს არა მხოლოდ აფხაზეთისთვის, არამედ მეზობელი ქვეყნებისთვისაც, - ამის შესახებ ოკუპირებული აფხაზეთის დე ფაქტო უშიშროების საბჭოს მდივანმა მუჰამედ კილბამ განაცხადა.

მისივე თქმით, ნატო-სა და საქართველოს შორის თანამშრომლობა დიდი ხნის წინ დაიწყო და საქართველო დასავლეთის ინტერესების სფეროშია, ხოლო ალიანსსა და საქართველოს საზღვაო ძალებს შორის თანამშრომლობის გაძლიერება სამხედრო მომზადების მორიგ ეტაპს ჰგავს.

„შეიძლება ვივარაუდოთ, რომ საზღვაო ფლოტის ჯერი დადგა. არც ის უნდა გამოვრიცხოთ, რომ საქართველოს ახალი პრეზიდენტი ჰყავს, რომელიც საქართველოს გარეთ იზრდებოდა და ბოლომდე იზიარებს დასავლურ შეხედულებებს“, - განაცხადა კილბამ.