ე.წ. სამხრეთ ოსეთის „საგარეო უწყება“ ვენესუელაში განვითარებული მოვლენების გამო შეშფოთებულია

სამხრეთ ოსეთი ვენესუელაში განვითარებული მოვლენების გამო შეშფოთებულია, - ამის შესახებ ოკუპირებული სამხრეთ ოსეთის დე ფაქტო საგარეო უწყების განცხადებაშია ნათქვამი.

„სახეზეა სუვერენული სახელმწიფოს მოქალაქეების ნების გამოვლინების უცერემონიო მანიპულირება, რომლის მიზანია კანონიერად არჩეული პრეზიდენტის ნიკოლას მადუროს თანამდებობიდან გადაყენება. აშშ-ს და რიგი ქვეყნების ელვისებური კოორდინირებული რეაქცია ოპოზიციის ქმედებებზე იმის დასტურია, რომ გარე ძალების ჩარევა წინასწარ დაგეგმილი იყო და ვენესუელის სახელმწიფოებრიობის ჩამოშლაზეა მიმართული. სამხრეთ ოსეთის რესპუბლიკაში მიუღებლად მიიჩნევენ სუვერენული ვენესუელის შიდა საქმეებში ჩარევას. აშშ-სა და რიგი სხვა ქვეყნების ამგვარი ხაზი ძალიან სახიფათოა რეგიონალური და საერთაშორისო უსაფრთხოებისთვის“, - ნათქვამია განცხადებაში.

გუშინ ვენესუელას პარლამენტის თავმჯდომარემ და ოპოზიციის ლიდერმა ხუან გუაიდომ თავი დროებით პრეზიდენტად გამოაცხადა. ის ამ სტატუსით უკვე აღიარა აშშ-მ, კანადამ, არგენტინამ, ბრაზილიამ, კოლუმბიამ, პარაგვაიმ, პერუმ, ჩილემ, ეკვადორმა და საქართველომ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა