სამხრეთ ოსეთი დაამტკიცებს, რომ „ოთხოზორია-ტატუნაშვილის სია“ არაკანონიერი და მცდარია, - ამის შესახებ ოკუპირებული სამხრეთ ოსეთის დე ფაქტო პრეზიდენტის წარმომადგენელმა მურატ ჯიოევმა განაცხადა.

„ამ სიის შედგენა დემოკრატიული ნორმების, ადამიანის უფლებების დარღვევაა და საქართველოს ხელისუფლების პროპაგანდისტურ ნაბიჯს წარმოადგენს. საქართველოს ხელისუფლება ამ მცდარ დოკუმენტს აპიარებს, რის შედეგადაც მას მხარი დაუჭირეს ევროპის საბჭოს საპარლამენტო ასამბლეაში“, - განაცხადა მურატ ჯიოევმა.

მისივე თქმით, ამ სიაში მოხვედრილ პირებს არანაირი კავშირი არ აქვთ ტატუნაშვილის საქმესთან და ამ პირების აღნიშნულ სიაში ჩასმა მათი უფლებების უხეში დარღვევაა.

შეგახსენებთ, ევროსაბჭოს საპარლამენტო ასამბლეამ მიიღო რეზოლუცია “მაგნიტკის სიაზე“, რომლის ერთ-ერთი მნიშვნელოვანი ნაწილი არის "ოთხოზორია-ტატუნაშვილის სია".