Signify (Philips) საქართველოს მთავრობას ენერგოეფექტურობის სტრატეგიის განხორციელებაში დაეხმარება

Signify (Philips) მზადაა, საქართველოს მთავრობას ენერგოეფექტურობის სტრატეგიის განხორციელებაში დაეხმაროს. ამის შესახებ „ინტერპრესნიუსს“ პრემიერ-მინისტრის პრესსამსახურიდან აცნობეს.

როგორც საქართველოს პრემიერ-მინისტრ მამუკა ბახტაძისა და Signify/Philips-ის აღმასრულებელი დირექტორის, ერიკ რონდოლატის შეხვედრისას აღინიშნა, საუბარია ქუჩებისა და ძეგლების ენერგოეფექტურ განათებაზე, რაც პირველ ეტაპზე თბილისში, შემდეგ კი მთელი საქართველოს მასშტაბით უნდა განხორციელდეს. შეხვედრაზე ისაუბრეს საქართველოს მთავრობის მწვანე ეკონომიკის კონცეფციაზე, რაც მათ შორის ორგანული წარმოების განვითარებას გულისხმობს. ასევე, განიხილეს „ფილიპსის“ ტექნოლოგიების გამოყენების შესაძლებლობები ორგანული წარმოების ხელშეწყობაში.

საქართველოს პრემიერ-მინისტრისა და Signify/Philips-ის აღმასრულებელი დირექტორის შეხვედრა დავოსის მსოფლიო ეკონომიკური ფორუმის ფარგლებში შედგა და მას საქართველოს ეკონომიკისა და მდგრადი განვითარების მინისტრი გიორგი ქობულია და თანაინვესტირების ფონდის აღმასრულებელი დირექტორი გიორგი ბაჩიაშვილი ესწრებოდნენ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა