საქართველოს სავაჭრო-სამრეწველო პალატის, საქართველოს სავაჭრო-სამრეწველო პალატის აკადემიისა და “ბიდიოს“ ორგანიზებით, თემაზე „საპენსიო შენატანების ადმინისტრირება - დეტალები და გამოწვევები“ სემინარი გაიმართა.

ღონისძიების მიზანი საქართველოს სავაჭრო-სამრეწველო პალატის წევრი კომპანიებისთვის საპენსიო რეფორმის საკვანძო დეტალების გაცნობა და დამსაქმებელთათვის დადგენილი რეგულაციების პრაქტიკული გამოყენებისთვის მომზდება იყო.

როგორც „ინტერპრესნიუსს“ სავაჭრო პალატიდან აცნობეს, სემინარის ფარგლებში განიხილეს ისეთი თემები როგორიც არის: დაგროვებითი საპენსიო შენატანების ადმინისტრირების ზოგადი პრინციპები; საპენსიო შენატანის გადამხდელის იდენტიფიცირება; საპენსიო შენატანის გაანგარიშების ობიექტის განსაზღვრა; საპენსიო შენატანის გაანგარიშების მეთოდები; ცვლილებები შრომით ხელშეკრულებებსა და მომსახურების ხელშეკრულებებში; საპენსიო შენატანების ბუღალტრული აღრიცხვა და დეკლარირება; დაურეგულირებელი და ბუნდოვანი საკითხები და სხვა საკანონმდებლო ცვლილებები.

აღსანიშნავია, რომ სემინარს უძღვებოდნენ, „ბიდიოს“(BDO) საგადასახადო მენეჯერი შალვა კილასონია და ბიდიო ლეგალის იურისტი დიმიტრი ხრიკაძე. ღონისძიებას საქართველოს სავაჭრო-სამრეწველო პალატის წევრი 40-მდე კომპანიის წარმომადგენლები დაესწრნენ.