საქართველოს მოქალაქე ჯაშუშობის ბრალდებით დავაკავეთ, - ამის შესახებ ინფორმაციას აფხაზეთის დე ფაქტო უშიშროების სამსახური ავრცელებს.
როგორც უწყებაში აღნიშნავენ, დაკავებულის ჩხრეკისას ამოღებულია: ხელყუმბარა, ტყვია-წამალი და საინჟინრო დანიშნულების ელექტროდეტონატორი. სისხლის სამართლის საქმე ჯაშუშობის მუხლით არის აღძრული.
სოხუმის ე.წ. სასამართლომ დაკავებულს აღმკვეთი ღონისძიების სახით 2-თვიანი წინასწარი პატიმრობა მიუსაჯა.