თბილისის სახელმწიფო სამედიცინო უნივერსიტეტმა პროფესორ მარიამ გრიგალაშვილის დაბადებიდან 100 წლისთავი საიუბილეო საღამოთი აღნიშნა

თბილისის სახელმწიფო სამედიცინო უნივერსიტეტმა ცნობილი ექიმის, ღვაწლმოსილი პედაგოგისა და მეცნიერის, პროფესორ მარიამ გრიგალაშვილის დაბადებიდან 100 წლისთავი საიუბილეო საღამოთი აღნიშნა.

საიუბილეო საღამოზე სამედიცინო უნივერსიტეტის რექტორმა, პროფესორმა ზურაბ ვადაჭკორიამ პროფესორ მარიამ გრიგალაშვილის ცხოვრებასა და მოღვაწეობაზე ისაუბრა. საღამოს კი თბილისის ბავშვთა ინფექციური კლინიკური საავადმყოფოს დირექტორი ჯონი ჯანაშია უძღვებოდა. ღონისძიებაზე მუსიკალური ნომრებიც შესრულდა.

როგორც ჟურნალისტებთან საუბრისას სამედიცინო უნივერსიტეტის რექტორმა ზურაბ ვადაჭკორიამ განაცხადა, მარიამ გრიგალაშვილს განსაკუთრებული ღვაწლი აქვს უნივერსიტეტის წინაშე. ის ბავშვთა ყბა-სახის ქირურგიის დამაარსებელია საქართველოში. ზურაბ ვადაჭკორიას თქმით, მარიამ გრიგალაშვილი მისი მასწავლებელი და მენტორი იყო. ამდენად, მისთვის მასზე საუბარი ძალიან ძნელია.

"მარიამ გრიგალაშვილმა მედიცინისთვის ყველაფერი გააკეთა. იგი, როგორც ექიმი, მეორე მსოფლიო ომის მონაწილე იყო. ასევე, სტომატოლოგიის ფაკულტეტის ძალიან კარგი დეკანი, 12 წლის განმავლობაში. მარიამ გრიგალაშვილამდე სამედიცინო უნივერსიტეტის ადმინისტრაციაში მაღალ თანამდებობაზე არც ერთი ქალბატონი არ იმყოფებოდა. იყო ძალიან წარმატებული ექიმი და სტუდენტებისთვის ძალიან კარგი პროფესორი," - განაცხადა ზურაბ ვადაჭკორიამ.

მისივე თქმით, ბოლო წლებში მარიამ გრიგალაშვილი ბავშვთა ყბა-სახის ქირურგიაში მოღვაწეობდა. იყო პოპულარული ქირურგი ისეთ საკითხებში როგორიცაა: ზედა ტუჩისა და სასის თანდაყოლილი ნაპრალები, სხვადასხვა განვითარების მანკები, ანთებითი დაავადებები და სხვა.

ღონისძიებას მისი კოლეგები და ყოფილი სტუდენტები ესწრებოდნენ.

ამასთან, ღონისძიების ბოლოს, პროფესორ მარიამ გრიგალაშვილის ხსოვნის პატივსაცემად, ასევე სამედიცინო უნივერსიტეტის თეატრალურმა დასმა, "ჰიგიამ" სპექტაკლი - "სიკვდილი ღრუბლებში," წარმოადგინა.

მარიამ გრიგალაშვილი 1998 წელს გარდაიცვალა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო