მოსამართლეთა რიგგარეშე 25-ე კონფერენციის დასრულების შემდეგ მოსამართლეები განცხადებას გაავრცელებენ. აღნიშნულის შესახებ კონფერენციაზე სიტყვით გამოსვლისას მოსამართლე ირაკლი კოპალიანმა განაცხადა.
"ჩვენ გვინდა, რომ მოსამართლეებმა საჯარო დისკუსიაში გამოვხატოთ ჩვენი მოსაზრებები და საზოგადოებას მკვეთრად ვუთხრათ ჩვენი სათქმელი.კონფერენციის ბოლოს გავავრცელებთ მიმართვას, განცხადებას, რომელიც შემუშავებულია ჩვენს მიერ და მას კენჭს ვუყრით. დამტკიცების შემთხვევაში განცხადებას საჯაროდ გავავრცელებთ",- განაცხადა ირაკლი კოპალიანმა.
რიგგარეშე კონფერენციას 273 მოსამართლე ესწრება, რომლებიც იუსტიციის უმაღლესი საბჭოსა და სასამართლო სისტემის გარშემო განვითარებულ მოვლენებს განიხილავენ. მოსამართლეების თქმით, ყველა მათგანს ერთი მიზანი აერთიანებს, რომ ქვეყანაში იყოს „დამოუკიდებელი და ჯანსაღი სასამართლო სისტემა“.