ლიბიაში დაღუპულ ქართველ მეზღვაურს დავით რაზმაძეს ამ დრომდე ექსპერტიზა უტარდება, - ამის შესახებ ეკონომიკის სამინისტროს საზღვაო ტრანსპორტის სააგენტოს დირექტორმა თამარ იოსელიანმა "ინტერპრესნიუსს" განუცხადა. მისი ინფორმაციით, ექსპერტიზის დასრულების შემდეგ ქართული მხარე გადმოსვენების პროცედურებს დაიწყებს.
"ლიბიაში ქართველ მეზღვაურს ექსპერტიზა ამ დრომდე უტარდება. ქართული მხარე ექსპერტიზის დასრულებას ელოდება, იმისათვის რომ ქართველი მეზღვაურის ცხედრის გადმოსვენების პროცედურები დაიწყოს",- განაცხადა თამარ იოსელიანმა.
შეგახსენებთ, რომ ქართველი მეზღვაური დავით რაზმაძე ორი კვირის განმავლობაში ლიბიაში ნაოსნობისას გაუჩინარებული იყო. იგი რამდენიმე დღის წინ, ლიბიის სანაპიროსთან გარდაცვლილი იპოვეს.