ჩემი აზრით, გიორგი მიქაუტაძე უნდა ჩამოყალიბდეს რა უნდა - მას უზენაესი სასამართლოს მოსამართლეობა უნდა, თუ ისევ თბილისის საქალაქო სასამართლოს მოსამართლეობა,- ამის შესახებ იუსტიციის უმაღლესი საბჭოს არამოსამართლე წევრმა,ნაზი ჯანეზაშვილმა ჟურნალისტებს განუცხადა.

ჯანეზაშვილი გამოეხმაურა უვადო მოსამართლეობის მსურველ კანდიდატებთან გასაუბრების პროცესს, რომელსაც დღეს იუსტიციის უმაღლესი საბჭოს მდივანი გიორგი მიქაუტაძეც გაივლის.

„ერთი რამ ცხადია, რომ მას უნდა ხანგრძლივად შენარუჩუნოს სკამი თუ მანტია იმისათვის,რომ ჰქონდეს გარანტირებული სამსახური, რაც თვითონ განაცხადა კიდეც. როდესაც საბჭოს მდივანი ყველა შესაძლებლობას იყენებს იმისათვის რომ მოხვდეს სასამართლოს სხვადასხვა ინსტანციაში, ვფიქრობ, რომ ეს არის მიუღებელი, რადგან იგი არის საბჭოს მდივანი და მეტი მოთმინება მართებს, თუნდაც კარიერის დაგეგვმასთან დაკავშირებით", - განაცხახა ნაზი ჯანეზაშვილმა.

მისივე მოსაზრებით, მოსამართლეებთან გასაუბრების პროცესი, რომელიც გასული წლის ოქტომბერში დაიწყო, ამ დრომდე ხელოვნურად გაჭიანურდა.

„გასაუბრება ჯერ კიდევ ოქტომბერში დაიწყო, თუმცა შემდეგ ერთი თვის განმავლობაში არ ჩატარებულა. ეს ბუნებრივია უკავშირდება უზენაესი სასამართლოს დაკომპლექტებას, რადგან ამ პროცესში მონაწილეობდნენ ისეთი ადამიანები, რომლებიც სავარუდოდ გადადიან იმ სასამართლოებში სადაც იგულისხმებიდა რომ გამოთავისუფლდებოდა მათთვის ადგილები. მაგალითად, დიმიტრი გვრიტიშვილი აპირებდა უზენაეს სასამართლოში წასვლას, მაგრამ ახლა როგორც ჩანს ვეღარ მიდის და ალბათ, შეიცვლება სურათი და ბევრი ადამიანი მოხსნის კანდიდატურას", - განაცხადა ნაზი ჯანეზაშვილმა.