პარლამენტის შენობასთან გაერო-ს მიგრანტთა პაქტიდან საქართველოს გამოსვლის მოთხოვნით აქცია მიმდინარეობს.

აქციის ერთ-ერთი ორგანიზატორის ჯონდი ბაღათურიას თქმით, მთავრობამ ისე მოაწერა აღნიშნულ დოკუმენტს ხელი, რომ ხალხს არაფერი ჰკითხა.

„ეს არის 23-პუნქტიანი დოკუმენტი, რასაც საქართველოს მთავრობამ ხალხის სახელით მოაწერა ხელი, ისე რომ ხალხს არაფერი ჰკითხა. ამ დოკუმენტის მიხედვით, საქართველოს მთავრობა იღებს ვალდებულებას, რომ აზიის და აფრიკის ღარიბი ქვეყნებიდან მიგრანტებს გადმოასახლებს შეუზღუდავი რაოდენობით. მეოთხე მუხლი ამბობს, რომ როგორც კი საზღვარზე ფეხს დადგამენ მიგრანტთა უზრუნველყოფა უნდა მოხდეს კანონიერი პირადობის მოწმობებით", - განაცხადა ჯონდი ბაღათურიამ.

მისი თქმით, თუ დღეს მთავრობა დიალოგზე არ წამოვა, უფრო ფართომასშტაბიან აქციებს გამართავენ.