საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, მინისტრის მოადგილე ირინა აბულაძესთან და შეფასებისა და გამოცდების ეროვნული ცენტრის დირექტორ სოფო გორგოძესთან ერთად გამოცდების სისტემის ახალი მოდელი წარადგინა, რომელიც 2019-20 წლებში დაინერგება.

მინისტრის თქმით, სისტემა, რომელიც დაინერგება ექსპერტების ჩართულობით მომზადდა და ორიენტირებულია სკოლების გაძლიერებაზე.

“საგამოცდო სისტემის შემუშავებისას გავითვალისწინეთ ყველა ის მოთხოვნა, რაც ამ წლებში არსებობდა. ყველა ის საკითხი, რომელსაც ექსპერტები აყენებდნენ წლების განმავლობაში მაქსიმალურად გათვალისწინებულია”, - განაცხადა მიხეილ ბატიაშვილმა.