ირაკლი ბერაია - 2019 წელს საქართველო ნატო-ს განსაკუთრებული ყურადღების ცენტრში იქნება

2019 წელს, საქართველო ნატო-ს განსაკუთრებული ყურადღების ცენტრში იქნება, - ამის შესახებ საპარლამენტო უმრავლესობის წევრმა ირაკლი ბერაიამ განაცხადა.

მისივე თქმით, ჩვენი ქვეყნის ევროატლანტიკური მისწრაფების ურყევი მხარდაჭერის დადასტურებაა ნატო-საქართველოს სწავლება, ალიანსის მაღალი რანგის წარმომადგენლების, მათ შორის გენერალური მდივნის და სამხედრო კომიტეტის ვიზიტები და სხვა ერთობლივი აქტივობები.

„ნატო საქართველოს განიხილავს როგორც მომავალ წევრს-სახელმწიფოს და განსაკუთრებულ მნიშვნელობას ანიჭებს მასთან თანამშრომლობას. განსაკუთრებულ აღნიშვნას იმსახურებს ამ თანამშრომლობის შინაარსი და უპრეცედენტო მასშტაბები, რაც ჩვენი ქვეყნის დემოკრატიული ტრანსფორმაციის და თავდაცვის სფეროში ლევან იზორიას ხელმძღვანელობით გატარებული და მიმდინარე რეფორმების პირდაპირი შედეგია. სწორედ ეს რეფორმებია ის უმნიშვნელოვანესი ფაქტორი, რაც განაპირობებს ჩვენი თავდაცვისუნარიანობის ამაღლებას, ორმხრივ და მრავალმხრივ ფორმატებში მიღებული დახმარებების ჩვენი თავდაცვის საჭიროებებთან სინქრონიზაციას და საქართველოს ალიანსის ბევრ წევრ-სახელმწიფოზე უფრო თავსებად ქვეყანად ტრანსფორმაციას“, - განაცხადა ბერაიამ.

აღნიშნულ ინფორმაციას საქართველოს პარლამენტი ავრცელებს.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს