29 იანვარს, 09:00 საათზე საქართველოს პრემიერ-მინისტრი მამუკა ბახტაძე და ევროკომისიის ტრანსპორტისა და მობილობის გენერალური დირექტორი ჰენრიკ ჰოლოლეი ეკონომიკურ კონფერენციას - „საქართველო და მსოფლიო 2019 წელს“ გახსნიან. კონფერენციაში მონაწილეობას მიიღებს ეკონომიკისა და მდგრადი განვითარების მინისტრი გიორგი ქობულია.

მის.: ინოვაციების ქ. #7, ოქროყანა, „ტექნოპარკი“

29 იანვარს, 10:00 საათზე, განათლების, მეცნიერების, კულტურისა და სპორტის სამინისტრო საქართველოს ტექნიკურ უნივერსიტეტში თანამშრომლობის ფორუმს „პროფესიული უნარები მშენებლობისთვის, მშენებლობა პროფესიული უნარებისთვის“ უმასპინძლებს. ღონისძიებას განათლების, მეცნიერების, კულტურისა და სპორტის მინისტრის მოადგილე ირინა აბულაძე დაესწრება.

მის.: კოსტავას ქ. #77, საქართველოს ტექნიკური უნივერსიტეტი, ადმინისტრციული კორპუსი

29 იანვარს, 11:00 საათზე, სასტუმრო „რედისონში“ ტრანსპორტის საკითხებში ევროკავშირ-საქართველოს მაღალი დონის დიალოგის სხდომა გაიმართება. სხდომას გახსნიან საქართველოს ეკონომიკისა და მდგრადი განვითარების მინისტრი გიორგი ქობულია და ევროკომისიის ტრანსპორტისა და მობილობის გენერალური დირექტორი ჰენრიკ ჰოლოლეი.

29 იანვარს, 11:00 საათზე, ანალიტიკოსი გია აბაშიძე „მედიაცენტრ მთავარში“ პრესკონფერენციას გამართავს.

მის.: მიხეილ ჭიაურელის ქ. #19 (ჩასახვევი რესტორან „უშბადან“, არმისული ლუბლიანას ქუჩამდე)

საკონტაქტო პირი ეკა გულუა - 599726565

29 იანვარს, 11:00 საათზე, მედიაჰოლდინგ „კვირას“ პრესკლუბში პოლიტოლოგ მამუკა არეშიძის პრესკონფერენცია გაიმართება.

თემა: უკრაინის ეკლესიის ავტოკეფალიის საკითხი - ზვიად ძიძიგურის და „პატრიოტთა ალიანსის“ განცხადებები; სალომე ზურაბიშვილის განცხადება ევროკავშირისთვის ახალი ინიციატივით მიმართვაზე; NDI-ის კვლევა.

მის.: ა. წერეთლის გამზ. N99, სადარბაზო 3, სართული 1, ბინა N49

საკონტაქტო ტელ.: 593 53 45 24

29 იანვარს, 11:00 საათზე, სასტუმროში "რედისონ ბლუ ივერია" თბილისის მერი კახა კალაძე 2019 წელს დაგეგმილი მსხვილი ინფრასტრუქტურული პროექტების პრეზენტაციას გამართავს.

29 იანვარს, 11:30 საათზე, მედიაჰოლდინგ “კვირას” პრესკლუბში კონსტანტინე და ცოტნე გამსახურდიების ადვოკატის ამირან გიგუაშვილის პრესკონფერენცია გაიმართება.

თემა: ზვიად გამსახურდიას საქმეზე მთავარ პროკურატურაში გამართული შეხვედრა. პასუხი პროკურატურის განცხადებაზე.

მის.: ა. წერეთლის გამზ. N99, სადარბაზო 3, სართული 1, ბინა N49

საკონტაქტო ტელ.: 593 53 45 24

29 იანვარს, 13:00 საათზე, სამოქალაქო მოძრაობის დამფუძნებელი ალეკო ელისაშვილი „ყაზტრანსგაზ - თბილისის“ ცენტრალურ ოფისთან საპროტესტო აქციას გამართავს.

29 იანვარს, 14:00 საათზე, ორგანიზაცია „კონსტიტუციის 42-ე მუხლი“ სასტუმრო „იოტაში“ კონფერენციას გამართავს.

თემა: „შეზღუდული შესაძლებლობის მქონე პირთა დასაქმების ხელშეწყობა“.

მის.: მ.ლერმონტოვის ქ. #10

საკონტაქტო პირი მარიამ ჩიტიშვილი - 599 899 627

29 იანვარს, 14:00 საათზე, საქართველოს ეროვნულ ოლიმპიურ კომიტეტში, სპორტულ კლუბ „ბლექ თაიგერის“ ორგანიზებით, ქართული ძიუდოს ისტორიის შესახებ გადაღებული დოკუმენტური ფილმის, „ძველი კიმონოს“ პრეზენტაცია გაიმართება.

საკონტაქტო პირი დავით ბეგიაშვილი 595 45 55 55

29 იანვარი, 19:00 საათზე, საქართველოში ევროკავშირის წარმომადგენლობა გამართავს კონკურსის, “ევროკავშირის პრიზი ჟურნალისტიკაში 2018” გამარჯვებული ჟურნალისტების დაჯილდოების ცერემონიას.

მის.: მერაბ კოსტავას ქ #14, სასტუმრო „სტამბა“