მცხეთის ჯვრის მონასტერთან გარემოვაჭრეებისთვის განკუთვნილ ადგილზე ტერიტორიის მოწესრიგება ხვალიდან დაიწყება. როგორც „ინტერპრესნიუსს" ერთ- ერთმა გარემოვაჭრემ, გიორგი კოზმანაშვილმა განუცხადა, დღეს მათთან მისული იყო მცხეთის მერი გიორგი კაპანაძე, რომელთან ერთადაც დაზუსტდა ის ტერიტორია, სადაც ახალი დახლები უნდა დაიდგას.

„ამოსული იყო მერი. შევთანხმდით ადგილზე, სადაც დახლები უნდა დაიდგას. გვითხრეს, რომ ხვალ ამოვა ტექნიკა. მოასწორებს ადგილს და ამის შემდეგ დაიდგმება დახლები“, - განაცხადა გიორგი კოზმანაშვილმა.

იხილეთ ვიდეო: გარემოვაჭრეების განცხადებით, მცხეთის ჯვრის მონასტერთან მათთვის განკუთვნილ ადგილზე ტერიტორიის მოწესრიგება ოთხშაბათიდან დაიწყება