მამუკა ბახტაძე - სახელმწიფოს პროგრესი უნდა გავზომოთ ორი კრიტერიუმით, რამდენად სწრაფად ვამარცხებთ სიღარიბეს და რამდენად წინ მივიწევთ ადამიანური კაპიტალის ინდექსში

„სახელმწიფოს პროგრესი გრძელვადიან პერსპექტივაში უნდა გავზომოთ ორი კრიტერიუმით: რამდენად სწრაფად ვამარცხებთ სიღარიბეს და რამდენად წინ მივიწევთ ადამიანური კაპიტალის ინდექსში“, - ამის შესახებ საქართველოს პრემიერ-მინისტრმა მამუკა ბახტაძემ ჟურნალ „ეკონომისტთან“ ინტერვიუში განაცხადა.

მთავრობის მეთაურის შეფასებით, 21-ე საუკუნე ტექნოლოგიური ევოლუციის საუკუნეა, სადაც ადამიანურ კაპიტალს განსაკუთრებული მნიშვნელობა აქვს.

„როდესაც ჩვენ ვსაუბრობთ განათლების რეფორმაზე, აქ ჩვენთვის ამოსავალია ადამიანური კაპიტალი. დღეს, სამწუხაროდ განათლება და ეკონომიკა, ერთმანეთს ასცდა და უფრო მარტივ ენაზე რომ ვთქვა, სხვადასხვა სამყაროში ცხოვრობს. ჩვენი ეკონომიკური გამოწვევების ერთ-ერთი მთავარი წყარო სწორედ ეს აცდენაა, შესაბამისად, მთავარი კრიტერიუმია, საქართველოში რაც შეიძლება სწრაფად შევქმნათ ისეთი ადამიანური კაპიტალი, რომელიც კონკურენტუნარიანი იქნება 21-ე საუკუნეში. ამ კუთხით ჩვენ გვაქვს ისეთი პოტენციალი, რომელიც საქართველოს შეიყვანს განვითარებული ეკონომიკების მქონე ქვეყანათა რიცხვში, ამაში დარწმუნებული ვარ, თუმცა, ეს იქნება ერთ-ერთი ყველაზე რთული და კომპლექსური რეფორმა. მე, როგორც მოქალაქე, გრძელვადიან პერსპექტივაში ქართული სახელმწიფოს წარმატებას შევაფასებდი ამ ორი ძირითადი კრიტერიუმით, რამდენად კარგი ტემპებით მივდივართ სიღარიბის დამარცხებაში და როგორ ვაუმჯობესებთ პოზიციას ადამიანური კაპიტალის ინდექსში“, - განაცხადა მამუკა ბახტაძემ.

ინფორმაციას პრემიერის პრესსამსახური ავრცელებს.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს