პეკინის ქუჩაზე ავტოსაგზაო შემთხვევის შედეგად მოპედის მძღოლი დაშავდა

პეკინის ქუჩაზე ავტოსაგზაო შემთხვევის შედეგად მოპედის მძღოლი დაშავდა. მოტოციკლით მოძრავ კურიერს „ტოიოტას“ მარკის ავტომობილი დაეჯახა. მოპედის მძღოლი გადაყვანილია საავადმყოფოში. ადგილზე მობილიზებული იყო სასწრაფო და საპატრულო პოლიცია.

როგორც „ინტერპრესნიუსს“ შინაგან საქმეთა სამინისტროში განუცხადეს, აღნიშნულ ფაქტზე საგამოძიებო მოქმედებები 276-ე მუხლის პირველი ნაწილით მიმდინარეობს, რაც სატრანსპორტო საშუალების უსაფრთხოების ან ექსპლუატაციის წესების დარღვევას გულისხმობს.