მცხეთის ჯვრის მონასტერთან მომუშავე გარემოვაჭრეების ინფორმაციით, სავაჭრო დახლების დადგმის პროცესი მიმდინარეობს, მუშაობს სპეციალური ტექნიკა, რათა ჯიხურები დღესვე განთავსდეს შეთანხმებულ ადგილზე.
როგორც ,,ინტერპრესნიუსს“ ერთ-ერთმა გარემოვაჭრემ, მევლუდ ღარიბაშვილმა განუცხადა, ისინი საქმიანობას ავტომობილების სადგომიდან 15-18 მეტრით დაშორებულ ადგილას განაგრძობენ, რაც მათთვის სავსებით მისაღებია.
მისივე თქმით, ქალაქის მერთან და მონასტრის წინამძღვართან მოლაპარაკება წარმატებით დასრულდა და გარემოვაჭრეები ხვალიდან განაგრძობენ საქმიანობას.