კორუფციის აღქმასთან დაკავშირებით უფრო მაღალი სანდოობის ინდექსები არსებობს, - ასე გამოეხმაურა გარემოს დაცვისა და სოფლის მეურნეობის მინისტრი ლევან დავითაშვილი ინფორმაციას იმის შესახებ, რომ NDI-ს მიერ გამოკითხულთა 55%-ს აზრით, სახელმწიფო სტრუქტურებში კორუფცია და ნეპოტიზმი არსებობს.

“კორუფციის აღქმასთან დაკავშირებით უფრო მაღალი სანდოობის ინდექსები არსებობს. მოდით ამ ინდექსებით ვიხელმძღვანელოთ. NDI ავტორიტეტული ორგანიზაციაა, თუმცა საქართველოს რეალობაში ხშირ შემთხვევაში, მათი კვლევები და პროგნოზები რეალობას სცდებოდა”, - განაცხადა დავითაშვილმა.

შეგახსენებთ, რომ გამოკითხულთა უმეტესობის აზრით, სასამართლოში, პარლამენტში, პროკურატურაში, პოლიციასა და პარტიებში კორუფციაა.