ეკონომიკის მინისტრი გიორგი ქობულია აცხადებს, რომ რომან კაკულიას ინიციატივა უმუშევრობის კომპენსაციის შესახებ საინტერესო აზრია.
„მიმაჩნია, რომ რომან კაკულიას ინიციატივა უმუშევრობის კომპენსაციის შესახებ საკმაოდ საინტერესო აზრია და ყურადღებას ითხოვს. საქართველოს ამის ფუფუნება არ აქვს, თუმცა რაღაც ფორმით შეიძლება განვიხილოთ ამის გაკეთება”, - განაცხადა ქობულიამ.
შეგახსენებთ, რომ დარგობრივი ეკონომიკური პოლიტიკის კომიტეტის თავმჯდომარე რომან კაკულია საქართველოში უმუშევრობის კომპენსაციის დანერგვის ინიციატივით გამოდის.
„უმუშევრობის კომპენსაციის მყისიერად შემოღების უნარი დღეს მთავრობას არ გააჩნია, მაგრამ ჩვენ უნდა შევკრათ ეს ციკლი და დავიწყოთ ამ საკითხზე მსჯელობა“, - განაცხადა რომან კაკულიამ.