„ყაზტრანსგაზ-თბილისის“ სპეციალური მმართველი - ბინაში, ბუნებრივ გაზზე მომუშავე სამი დანადგარი იყო, ჩაიჭრა მხოლოდ ის დანადგარი, რომელიც ტექნიკურ რეგლამენტთან შეუსაბამოა

ამ ბინაში ბუნებრივ გაზზე მომუშავე სამი დანადგარი იყო - „ყაზტრანსგაზ-თბილისი“ ჭრის მხოლოდ იმ დანადგარს, რომელიც ტექნიკურ რეგლამენტთან შეუსაბამოა, - ამის შესახებ „ყაზტრანსგაზ-თბილისის“ სპეციალურმა მმართველმა გიგლა თამაზაშვილმა ქეთევან წამებულის გამზირზე განაცხადა, სადაც სავარაუდოდ მხუთავი აირით 7 ადამიანი გარდაიცვალა.

მისივე თქმით, აღნიშნულ ბინაში გაზის ერთ-ერთი დანადგარი 2017 და 2018 წლებში ჩაჭრა.

„აღნიშნულ ბინაში, ბუნებრივ გაზზე მომუშავე სამი დანადგარი იყო: გაზქურა, გამათბობელი და წყალგამაცხელებელი. მოქმედი ტექნიკური რეგლამენტის მიხედვით, კომპანია ჭრის მხოლოდ და მხოლოდ იმ დანადგარს, რომელიც ტექნიკურ რეგლამენტებთან არის შეუსაბამო. ამ შემთხვევაში, როგორც 2017 წელს, ისე 2018 წელს, ჩაიჭრა კონკრეტული დანადგარი, დაილუქა და გაზმომარაგება შეუწყდა“, - განაცხადა გიგლა თამაზაშვილმა.

ქეთევან წამებულის გამზირზე #67-ში, სავარაუდოდ, მხუთავი აირის CO-ს გაჟონვის შედეგად 7 ადამიანი გარდაიცვალა.

შსს-ს ინფორმაციით, მომხდარზე გამოძიება დაიწყო სსკ-ის 240-ე მუხლის მესამე ნაწილით, რაც გულისხმობს ელექტრო, ან თბოენერგიის, გაზის, ნავთობის, ან ნავთობპროდუქტების უსაფრთხოების წესების დარღვევას, რასაც მოყვა 2, ან მეტი ადამიანის სიცოცხლის მოსპობა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს