დიდ დიღომში აფეთქების შედეგად დაზარალებულების ადვოკატი - „ყაზტრანსგაზ-თბილისის" მენეჯმენტს მოვუწოდებ, გადადგეს

მოვუწოდებ „ყაზტრანსგაზ-თბილისის" მენეჯმენტს გადადგეს, რადგან ფაქტია, რომ ისინი ამ კომპანიას ვერ მართავენ, - ამის შესახებ დიდ დიღომში მომხდარი აფეთქების შედეგად დაზარალებული ოჯახების ადვოკატმა უფლებადამცველმა ალექსანდრე კობაიძემ განაცხადა.

კობაიძემ აღნიშნა, რომ კომპანიის გულგრილობისა და განუხორციელებული სამუშაოების გამო თბილისში უამრავი ადამიანი იგუდება გაზით.

„წელს უკვე მერამდენე შემთხვევაა, როცა ადამიანები გაზის გაჟონვის მსხვერპლი ხდებიან. ჩემი მთავარი ამოცანაა, ვთქვა, რომ უნდა გადადგეს „ყაზტრანსგაზ-თბილისის" მენეჯმენტი და რაც მთავარია, მოვუწოდებ საზოგადოებას, დღეიდან დაიწყოს აქტიური კამპანია ამ კუთხით, რათა არ მიეცეს "ყაზტრანსგაზ-თბილისის" ამჟამინდელ მენეჯმენტს უფლება, კვლავ განახორციელოს მართვა აღნიშნული კომპანიის. ფაქტია, პრევენციისთვის არანაირ ღონისძიებას არ მიმართავენ და არქმევენ უბედურ შემთხვევას", - აღნიშნა კობაიძემ.

ადვოკატმა ასევე ისაუბრა დიდ დიღომში მომხდარ აფეთქებასთან დაკავშირებით და განაცხადა, რომ დაწყებულია დაზარალებული ოჯახების მატერიალური ზიანის დათვლა, რის შემდეგადაც ინდივიდუალურად უნდა იყოს დათვლილი მორალური ზიანის ოდენობაც.

"დავიწყეთ ინდივიდუალურად 89 ოჯახის მატერიალური ზიანის დათვლა, ამას დაახლოებით სამი თვე სჭირდება. შემდეგ მოვითხოვთ მორალური ზიანის ოდენობის დათვლას, რაც ინდივიდუალურად მოხდება. მერე შევიტანთ "ყაზტრანსგაზ-თბილისის" წინააღმდეგ თბილისის საქალაქო სასამართლოში სარჩელს და აუცილებლად გავიმარჯვებთ. იმედია, კომპანია მაშინ მაინც მოეგება გონს, რომ ასეთი საქმიანობა აღარ გააგრძელოს ჩვენს ქალაქში და ვფიქრობ, ამის შემდეგ დაიცავენ მაინც უსაფრთხოების ნორმებს. გამოძიებაში კორპუსის მშენებლისკენ არ არის ბრალდებები, ყველანაირი გონივრული ეჭვი გამოირიცხა კომპანიის წარმომადგენლების მიმართ. ვფიქრობ, არამარტო უბედური შემთხვევა, არამედ ამას სამართლებრივი კვალიფიკაციაც უნდა მიენიჭოს. ამიტომ ვეხმარებით სამართლებრივად დაზარალებულებს, რომ შედგეს სარჩელი და სამართლებრივადაც გვქონდეს ბერკეტი, რომ ეს უბედური შემთხვევა არ იყო და ბრალეული მხარე "ყაზტრანსგაზ-თბილისია", - განაცხადა კობაიძემ.

შეგახსენებთ, რომ 16 იანვარს, დიდ დიღომში, საცხოვრებელ კორპუსში მომხდარი აფეთქების შედეგად 4 ადამიანი დაიღუპა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)