ფარული ჩანაწერების საქმეზე დაკავებულის მეგობარი - გიორგი კარაძე და გიორგი ფარცვანია არ არიან ისეთი ადამიანები, რომ ვინმეს პირადი ცხოვრების ამსახველი ვიდეო გაუვრცელონ

ფარული ჩანაწერების საქმეზე დაკავებული ორი პირი - გიორგი კარაძე და გიორგი ფარცვანია სავარაუდოდ, მამების საპროტესტო აქციიდან მომავალნი დააკავეს. ამის შესახებ დაკავებულების მეგობარმა ვახტანგ გაგნიძემ ჟურნალისტებს განუცხადა.

გაგნიძის თქმით, ორივე დაკავებული ყოფილი ჯარისკაცია და მონაწილეობა აქვთ მიღებული 2008 წლის აგვისტოს ომში.

"ვიღაც გადაცმული კაცები, მათ შორის ფორმიანები აედევნენ აქციიდან და შემდგომ სხვაგან მოხდა დაკავება", - განაცხადა მან.

დაკავებულების მეგობრის თქმით, გამორიცხულია ის ფაქტი, რომ მის მეგობრებს შეეძლოთ პირადი ცხოვრების ამსახველი კადრების გავრცელება.

"მე მჯერა ჩემი მეგობრების. არ არიან ასეთი ადამიანები, რომ ვინმეს პირადი ცხოვრება გაუვრცელონ",- განაცხადა ვახტანგ გაგნიძემ.

გაგნიძის ინფორმაციით, გიორგი კასრაძე თბილისის მთავარ სამმართველოში იმყოფება, ხოლო გიორგი ფარცვანია საგარეჯოს წინასწარი მოთავსების იზოლატორში.

შეგახსენებთ, რომ ფარულ ვიდეოჩანაწერებთან დაკავშირებით დაკავებულია 16 პირი.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს