გიორგი გახარია ყაზახეთის ელჩს შეხვდა

საქართველოს ვიცე-პრემიერი, შინაგან საქმეთა მინისტრი გიორგი გახარია ყაზახეთის რესპუბლიკის საგანგებო და სრულუფლებიან ელჩს საქართველოში, ბაურჯან მუხამედჯანოვს შეხვდა.

როგორც „ინტერპრესნიუსს“ სამინისტროდან აცნობეს, გიორგი გახარიამ სტუმარს შინაგან საქმეთა სამინისტროს პრიორიტეტები, აგრეთვე, უწყების სისტემური განახლების ფარგლებში მიმდინარე და დაგეგმილი რეფორმები გააცნო.

უწყების პრესსამსახურის ცნობით, შეხვედრაზე მხარეებმა ორ ქვეყანას შორის სამართალდაცვით სფეროში არსებული ურთიერთობები განიხილეს და ხაზი გაუსვეს საერთაშორისო საპოლიციო თანამშრომლობის გაღრმავების მნიშვნელობას.