ანრი ოხანაშვილი - კომიტეტის ხელმძღვანელის პოსტზე ჩემს წარდგენას საფუძვლად დაედო ის ღირებულებები, რომელიც „ქართულ ოცნებას“ გააჩნია
იურიდიული კომიტეტის ხელმძღვანელის პოსტზე ჩემს წარდგენას საფუძვლად დაედო სწორედ ის ღირებულებები, რომელიც „ქართულ ოცნებას“ გააჩნია, - ამის შესახებ ჟურნალისტებს საპარლამენტო უმრავლესობის წევრმა ანრი ოხანაშვილმა განუცხადა.
რაც შეეხება იმას, რომ იურიდიული კომიტეტის ხელმძღვანელად მის წარდგენას უმრავლესობის სხდომაზე ეკა ბესელიამ, გედევან ფოფხაძემ და ლევან გოგიჩაიშვილმა მხარი არ დაუჭირეს, ოხანაშვილის თქმით, ეს აღნიშნული დეპუტატების პირადი არჩევანია.
"ძალიან დიდი მადლობა გუნდს ასეთი დიდი მხარდაჭერისთვის, ვინაიდან გადაწყვეტილება უმრავლესობამ მიიღო. ამას ბევრ სხვა საკითხთან ერთად საფუძვლად დაედო სწორედ ის ღირებულებები, რომელიც „ქართულ ოცნებას“ გააჩნია. შესაბამისად, ნებისმიერი სხვა ჩემი კოლეგის დამოკიდებულება ამ საკითხისადმი არის მისი პირადი პოზიცია და არჩევანი. სხვა დამატებითი კომენტარი გუნდის წევრების შესახებ არ მიმაჩნია სწორად", - განაცხადა ოხანაშვილმა.
