საფრანგეთმა ხუან გუაიდო ვენესუელას დროებით პრეზიდენტად აღიარა

საფრანგეთმა ხუან გუაიდო ვენესუელას დროებით პრეზიდენტად აღიარა. ამის შესახებ საფრანგეთის საგარეო საქმეთა მინისტრმა ჟან-ივ ლე დრიანმა განაცხადა.

„ვინაიდან ვენესუელაში მართვის საპრეზიდენტო მოდელია, საჭიროა კრიზისიდან გამოსვლა საპრეზიდენტო არჩევნების დანიშვნის გზით. ჩვენ მივიჩნევთ, რომ ხუან გუაიდოს ლეგიტიმურობა აქვს აღნიშნული არჩევნები ჩაატაროს. ხალხი ქუჩაშია გამოსული. ხალხს ცვლილებები სურს“, - განაცხადა საფრანგეთის საგარეო უწყების ხელმძღვანელმა.

ჟან-ივ ლე დრიანმა ხაზგასმით აღნიშნა, რომ აუცილებელია თავისუფალი არჩევნების ჩატარება, რომელიც ვენესუელელი ხალხის ნებასა და არჩევანს გამოხატავს“.

„ეს დემოკრატიული მოთხოვნაა“, - დასძინა მან.

შეგახსენებთ, რომ 26 იანვარს საფრანგეთის პრეზიდენტმა ემანუელ მაკრონმა განაცხადა, რომ თუ ნიკოლას მადურო რვა დღეში არჩევნებს არ ჩაატარებდა, ოფიციალური პარიზი პრეზიდენტად ხუან გუაიდოს აღიარებდა.