„საქართველოს პატრიოტები“ „ნაცმოძრაობის“ ხელისუფლების დანაშაულებრივ რეჟიმად გამოცხადების თაობაზე რეზოლუციის პროექტის კენჭისყრაზე გატანას ითხოვს

ფრაქცია „საქართველოს პატრიოტები“ „ნაციონალური მოძრაობის“ ხელისუფლების დანაშაულებრივ რეჟიმად გამოცხადების თაობაზე მომზადებული რეზოლუციის პროექტის კენჭისყრაზე გატანას ითხოვს.

როგორც ბიუროს სხდომაზე ფრაქციის თავმჯდომარემ გიორგი ლომიამ განაცხადა, თუკი საკითხი კენჭისყრაზე არ გავა, ფრაქცია კენჭისყრის ალტერნატიულ ფორმას მიმართავს. სათითაოდ მივა ყველა დაპუტატთან და რეზოლუციის პროექტზე ხელმოწერის გაკეთებას სთხოვს. ლომიამ ამ კონტექსტში გავრცელებულ ფარულ ჩანაწერებზეც გაამახვილა ყურადღება და აღნიშნა, რომ ყველა ეს ჩანაწერი „ნაციონალური მოძრაობის“ ხელისუფლების პირობებშია შექმნილი.

„ნაციონალური მოძრაობა ან უნდა გამოცხადდეს დანაშაულებრივ რეჟიმად ან მმართველმა გუნდმა უნდა თქვა, რომ უარს ამბობს ამის გაკეთებაზე“, - განაცხადა გიორგი ლომიამ.

როგორც მის პასუხად პარლამენტის თავმჯდომარემ ირაკლი კობახიძემ განმარტა, რეზოლუციის პროექტი პლენარული სხდომის დღის წესრიგში კენჭსაყრელ საკითხებს შორის უკვე ასახულია.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან