ვენესუელას ე.წ. პრეზიდენტი ნიკოლას მადურო რომის პაპს ფრანცისკეს მიმართავს თხოვნით, ხელი შეუწყოს ვენესუელაში დიალოგის პროცესის ჩამოყალიბებას.
ამის შესახებ ნიკოლას მადურომ იტალიურ ტელეარხ Sky TG24-სთვის მიცემულ ინტერვიუში განაცხადა.
„წერილით მივმართე რომის პაპს, ფრანცისკეს. ამ წერილში მას ვეუბნები, რომ ქრისტეს საქმეს ვემსახურები. ამასთან დაკავშირებით მას ვენესუელაში დიალოგის პროცესის ჩამოყალიბება და განმტკიცებაში დახმარება ვთხოვე“, - განაცხადა ნიკოლას მადურომ.
ნიკოლას მადურომ ხაზგასმით აღნიშნა, რომ „რომის პაპს თხოვს, თავისი ძალები და ნება გამოიყენოს, რათა ვენესუელას დიალოგის გზაზე დაეხმაროს“.
„ვიმედოვნებთ, რომ რომის პაპისგან დადებით პასუხს მივიღებთ“, - დასძინა მან.