მეტროსადგურ „წერეთელზე“ მგზავრთა მიღება განახლდა, - ამის შესახებ თბილისის მერიის მიერ გავრცელებულ განცხადებაშია ნათქვამი.
„სატრანსპორტო კომპანიის შესაბამისმა სამსახურებმა დროულად შეძლეს ტექნიკური ხარვეზის აღმოფხვრა და თბილისის მეტროს ორივე ხაზი ჩვეულ რეჟიმში განაგრძობს მუშაობას“, - ნათქვამია კომპანიის განცხადებაში.
შეგახსენებთ, რომ ესკალატორების ტექნიკური ხარვეზის გამო, სადგური დროებით ვერ ემსახურებოდა მგზავრებს.