ზაზა სარალიძე შალვა თადუმაძესთან შეხვედრის მოთხოვნით გენერალურ პროკურატურაში მივა

ხორავას ქუჩაზე მოკლული დავით სარალიძის მამა, ზაზა სარალიძე 6 თებერვალს გენერალურ პროკურატურაში მივა. ის გენერალურ პროკურორთან, შალვა თადუმაძესთან შეხვედრას ითხოვს და იმედს გამოთქვამს, რომ თადუმაძე მას მიიღებს.

როგორც სარალიძემ „ინტერპრესნიუსს“ განუცხადა, მას შალვა თადუმაძესთან კითხვები მისი შვილის მკვლელობის გარშემო, ასევე მის მიმართ დაწყებულ სისხლის სამართლებრივ დევნასთან და კარვების საქმესთან დაკავშირებით ექნება.

ზაზა სარალიძე გენერალურ პროკურატურაში მისვლას 12:00 საათზე გეგმავს.