თითოეული ადამიანი ღირებულია ჩვენთვის, - ამის შესახებ „ინტერპრესნიუსს" საპარლამენტო უმრავლესობის წევრმა, დეპუტატმა ბექა ოდიშარიამ განუცხადა. მისი თქმით, ის არ ელოდება, რომ უმრავლესობის რიგებს რომელიმე წევრი დატოვებს.

„მე არ ველოდები, რომ ვინმე დატოვებს ჩვენს რიგებს. ჩემთვისაც და უმრავლესობისთვისაც თითოეული წევრი არის მნიშვნელოვანი და ძალიან ძნელად შეველევი თითოეულ მათგანს. ამის მიუხედავად, ადამიანებს აქვთ თავისუფალი არჩევანი და ასეთი არჩევანი ნამდვილად არის „ქართულ ოცნებაში", მაგრამ ბოლომდე შევეცდებით, რომ ყველა მხარემ, ვინც დისკუსიაში ჩართულნი ვართ, მაქსიმალურად დავაახლოვოთ პოზიციები.

ჩვენ არ ვართ არც საბავშვო ბაღში და არც სკოლაში. მე გედის მოლოდინებთან არ მაქვს ისეთი შეხება, როგორც საკუთარ შეგრძნებებთან და ვიცი, რომ თითოეული ადამიანი ღირებულია ჩვენთვის და სანამ ამ სივრცეში ვიქნები, ვეცდები პოზიციების დაახლოებას და არა დაშორებას“, - განაცხადა ბექა ოდიშარიამ.