პროკურორები ზაზა სარალიძეს შეხვედრას მომავალ კვირას სთავაზობენ, თუმცა სარალიძე შეხვედრას დღესვე ითხოვს და უწყების დატოვებას არ აპირებს
ზაზა სარალიძე გენერალური პროკურატურის ეზოში თვითნებურად შევიდა და აცხადებს, რომ ტერიტორიას არ დატოვებს, ვიდრე პროკურატურიდან არ მიიღებს კითხვებზე პასუხს.
ზაზა სარალიძე დღეს პროკურატურაში საქმის პროკურორებთან შეხვედრას ელოდებოდა, თუმცა პროკურატურიდან მიიღო პასუხი, რომ პროკურატურა მზადაა მას მომავალი კვირის სამშაბათს შეხვდნენ.
აღნიშნულმა პასუხმა ზაზა სარალიძის გაღიზიანება გამოიწვია. მისი თქმით, პროკურატურა იქცევა უსინდისოდ და ის არ დატოვებს პროკურატურის ტერიტორიას, ვიდრე არ მოხდება მისი მოთხოვნების დაკმაყოფილება.
