გენერალურ პროკურატურაში ზაზა სარალიძესთან შეხვედრის გადაწყვეტილება მიიღეს. ზაზა სარალიძე საგამოძიებო უწყებაში ადვოკატ ნესტან ლონდარიძესთან და უფლებადამცველ ალეკო ცქიტიშვილთან ერთად შევიდა.
ზაზა სარალიძემ პროკურატურაში შესვლამდე ჟურნალისტებთან აღნიშნა, რომ ის საგამოძიებო უწყებაში დასვამს ყველა იმ კითხვას, რაც მას დაუგროვდა, როგორც მის საქმესთან, ასევე მისი შვილის მკვლელობის საქმესთან დაკავშირებით.
ზაზა სარალიძისთვის უცნობია პროკურატურაში შეხვედრა ვისთან მოხდება, იქნებიან ეს საქმის პროკურორები, თუ გენერალური პროკურორი შალვა თადუმაძე.